ضريبة السلام !!

قالـُـوا إن السّـلم خِـيـر
أمـن , أكـل , شـُرب بـيـر
و الضّريبَـة مِـش كـتِـيـر
عِـيـش مِـطـاطِـى للـّـئـَام !

هِـيّـه دى العِـيشَـة التـّمـام . . دِى ضَريـبـِة السّـلام !

قالـُـوا إن الحَرب شـَر
و الدّمـَـار تأثِـيرُه مُـر
قـُـلت بَـس هأبقـَى حُـر
ياكشِـى أمُـوت مِـن غِـيـر وسَـام !

مِـش أخاف زى النـّـعـام ! . . ولاّ دِى ضَريـبـِة السّـلام ؟!

أرضِـنـَـا حَـلـَبـِة مُـصارعَـة
و إسرائِيـل وَاكلاهَـا والعَـة
أيـوَة جيشهَـا ابن قرعَـة
بَـس آخِـر إنسِـجَـام !

مِـش زَى جيُوشنـَـا الـنّـيَـام ! . . دِى ضَريـبـِة السّـلام !

قـلبُـهُـم للسّـلـم نـاكِـر
قتلـُـوا كام مِـن العساكِـر ؟!
عَ الحدُود لـَو كـُنت فاكِـر !
آدِى أنجَـس الأنـَـام !!

لِـيك يَـا جُنـدِى أحسَـن مَـقـام . . بَـس دِى ضَريـبـِة السّـلام !

لأ و بُـص عَ الصّـفـَاقـَـة
قـُلنـَا أهـلاً بـِالصّـداقَـَـة
دِى إسرائِـيل مِـحتـَاجَـة طـَاقـَـة
غـَاز طـَبـيعِـى و مَـادّة خـَـام !

مِـش مُـهِـم لِـيـه , و كـَـام . . دِى ضَريـبـِة السّـلام !

مـَـال أبـُـونا فـِ الإمتِـصَـاص
غـَـازنـَـا , جـَـازنـَـا رَاح خـَـلاص
يَـعنِـى جِـيلنـَا الجَـاى لاَص
و الحـقـِـيـقـَـة مِـش تمَـام !

المُهـِم العَـم سَـام . . يِـِرضـَى بـِ ضَريـبـِة السّـلام !

و الشـّبَـاب . . هـَدف مَـفِـيـش
سَـكرَانِـين , شـَاربـِيـن حَـشِـيش
شـَاب عاقِـل ؟ مَـتلاقِـيش
أو تدوّر فـِ الزّحـَام !

بَـس دوّة عِـيب عـَلاَم ؟! . . أو ضَريـبـِة السّـلام ؟!!!

و اللّـى طـَفشـَان مِـن بـِلادُه
رَاح و هَـاجـِر , سَـاب وِلاده
كـَان عَـواطلِـى مِـن اللّـى سَـادُوا
بَـاع هِـدُومُـه و مَـات قـَوام !

ياللّـى غـرَق , ياللّـى عـَام . . دِى ضَريـبـِة السّـلام !

الكـَلام دَه مَـالـُو دَاعِـى
شكلـُه أصلاً مِـش بـِتـَاعِـى
ضـَغط نفسِـى , إجتِـمَـاعِـى
و إخترعتـُه فـِ المَـنـَـام !

آدِى آخِـر الكـَلام . . دِى ضَريـبـِة السّـلام

نظيفة يا بلدي

طبعا كلنا بنشوف كمية الزباله ف الشارع , الزباله الى احنا بنرميها مش حد تاني يعني ميش بيجي انسان من كوكب البأظي عشان يقولي من فضلك ممكن ارمي الازازه او الكيس دا عندكو . طبيعي ف صغري كانو يقولو لي مترميش ف الارض يقصدو البيت طبعا بس محدش علمني مرميش ف الشارع ماهو في ناس بتكنس وتشيل اومال هيشتغلو ازاي - عمال القمامة الي تحولو بعد كده الى شحاتين- وفضلت ارمي وارمي وارمي لحد ما يوم بصيت من الشباك لائيت الزباله ماليه الدنيا يمين وشمال حتي ع السطوح وف الجنينه طب انا هعيش ازاي بزبالتي الى انا رميها دي فكرت ادور ايه انضف بلد ف العالم طلعت سنغافوره دوله تعدادها تئريبا 4 مليون نسمه ولي عودة للاكمال .. يتبع

ولاد الكلب !!

لو جنون السلطة داءك
أول أمّـا الكـُـرسى جـَـاءك
أو مصوّرلك غباءك
إن ظُلمك راح يدُوم .. !!

لو تكون زعِيـم عِصابَـة
بالفسَاد مُغـرَم صبابَـة
و البَلـد فـ إديـك خرَابـة
نصّها غِربَـان و بُـوم .. !!

لو جنابك كنت سَـادى
فرحتك , مُعاناة ولادى
ياللى تعليمك زبَـادى
ليه تزغـّطنـا العـُـلـوم ؟؟؟

لو يكون معـاك حصَانـة
ولاّ نائب فـ الحضانـة
و الضمير محتاج صيَانـة
أو يكون واكلُـه البارُوم .. !!

لو عبـيـط كييّـف غلاسَـة
أو وسـخ , آخِـر نجاسَـة
فِـ التحرّش ليك سياسَـة
و إديـك بتطوَل ع الهـدُوم .. !!

لو زبـيـبتك فوق جبـينك
بس أخلاقك تهينـك
أو مفكـّـر إن دينـك
ركعتِـيـن , أو بَـس صـُـوم .. !!

لو ولاءك للمسيح
بس أخلاقك صفِـيـح
فـ أى دين ديماً تطيـح
أو تسبّـه كل يُـوم .. !!

لمّـا إبليـس يبقـى سِـيـدك
علّمـك إلحـاد يـبـيـدَك
فِـ الجـدَال ديْمـاً يفِـيـدك
مَالِـى عقلـك بالسّـمُـوم .. !!

لمـّـا عقلـَـك يُـوم يثـُـور
و الظّـلام دَه شايفـُـه نـُـور
و أمّا فِكرك يبقى زُور
و فـ بحور جَهلك تعُـوم .. !!

لـو تعُـود أيّـام جمَـال
و السّـادات يُدخـل شِمـال
رَاح تسُـود شيَـم الـرّجَـال
لَـو وجُودنـا لِيـه لـزُوم . .

ده إنت لو ملكش قلب , تبقى ظالم ابن كلب

حلم ليلة صيف .. بالبلدي

جائني ابي بها
ليريني اياها
قائلا ها هي ما تريده
تركها ورحل
وانا لا اصدق
بل اكاد أجن لهفة واشتياق
طال الفراق
واصبح الوضع لا يطاق
حبيبتي
فلتعزفي لى بعض من احلامك العطره البريئه
فلتفتحي لى اجوائك وحقولك
فلتغمسيني بين اضلعك
اتنسم عطر اركانك المشبعة بالحياة
انظر اليها
وانا انزع كل ما عليها من سروايل فضفاضة
واساطير رنانه
روها لى عنها
يتسرب مني الحب
كذئب يفتكه جوع
ينساب بين شدقيه الجنون
لا تخافي فانا حنون
ارحتها بين يداي
قربت شفاهي منها
متمنيا ان لا تزول تلك اللحظه
ان اعيشها ابدا
محدش دماغه تروح لبعيد .. دا أبويا جاب لى ايس كريم ميجا بالبنتق والشيكولاته

من أجــلــك

في الشهر دا كان مؤتمر من أجلك
ناس محترمين
لابسين بدل محترمه
شعر متسبسب
حاجه أخر ألاجه
بصفتي أمين شباب ف الحزب الوطني أقدر أقول إن المؤتمر عبر عن الشعور الكامن جوايا بالوجع الى سببه ليا الكرسي والكلام وانا أتابع منصتا مصغيا لكلماتهم
لما دخلت الحزب الوطني كان عندي أمل ( وعمر ) كنت بسيب الناس الى بتقول لاء ع الفاضي وكفايه والحركات الى فاكره نفسها انها معارضه وهما ولا معارضه ولا شئ ناس بتسوق ناس ( زي الحمير) نوع من الغسيل الدماغي والسيطرة على الافكار ( لازلت أبدا مع الحزب الوطني اشجعه بكل قوتي مهما كان فيه كوادر يئسنا منها ومن اصلاحها ) لاني لائيت فيه ناس كويسه بجد وعايزه تعمل شئ وناس بتدفع فعلا من جيبها وهيه ممعهاش بتدفع للبلد وللشباب الى هوه احنا مش بتدفع عشان يعملو مؤتمر ف الهيلتون رمسيس ويعملو بوفيه بالشئ الفلاني بس الفكره الى بتؤرقني (حد يصحح ليا الكتابه ) ان اغلب الشباب والبنات الى انا دخلتهم الحزب الوطني اتجهو لنشاطات الرحلات والمصايف وخلافه
ميمنعش ان كل حين وبين ومين يكون في يوم الطفل باحد الملاجئ او يوم اليتيم او نشاط وتوعيه بالمتحف مثلا او بتاريخ اى شئ
أفكارهم قليله وخايفين يقولوها لانهم حاسين انها مش هتفيد مع انها بتفيد حتي بتفيد صاحبها انه عمل الى عليه وخلص ضميره بس يقول فكره تنفع بلدي وبلده
موضوع من أجلك دي صعب البلد من أجلنا كلنا لينا وبينا
أينعم انا أمين شباب فاشل لكني بحاول ابني بلدي بالحزب الى انتمي له وبحبه مهما حصل فيه

بحبك يا بلدي

بكره أكيد أحلي إن شاء الله

زوابيع في عقل متفرد

ان انشكاح الرشاح لابد ان يتبعه الم في حلق سلف بوء الشخص المسبب لهذا الهذيان المؤقت
ولكنه ربما ونحن نأمل ان لا يكون له اى اثار سلبيه او ايجابيه على ارتياح الرياح بالقليوبية
لكني ورغما عني أاؤكد انه لا توجد بوادر لاي شئ
ونحن من هنا نريد ان نوضح الصورة المسموعه لكل من يجب عليهم ان يقولو
فليقولو او فليصمتوا ليست تلك هي القضيه
القضيه يا ساده هي اننا معا في بوتقه واحده
يعني الشخص الى بيركب ميكروباص العتيه ممكن جدا ينزل وشخص تاني يركب مكانه ويفضل المكروباص ماشي في نور الله وندعي ونقول يارب
والحمد لله
لولا وجود الكهربا الناشفه ما كنتش هولع الوكمان بتاعي ولا الريموت كنترور بتاع الرسيفر
ولازم برضه منبخلش حق الحاج محمود ابو السعود لما قدمه من جهد وعرق ومجهودات مضنيه في سبيل تحقيق حلم اشعال لمبه الشارع
لكني ورغما عني أأؤكد انه لا يزال الحلم بينور
واحنا مستنين الكهربا تيجي
عشان نبلها بالميه ومتبئاش ناشفه
رغم وصول كيلو الشمام الاسماعيلاوي الى مبالغ خرافيه تصل لـ 2 و3 جنيه للكيلو الواحد
لكننا نعيل امالنا على دولة البين الشقيقة عشان تصدر لنا الشمام الاسماعيلاوي باسعار مخفضه للطلبه وتكون سعر الشمامه اقل من جنيه وكلنا نشم براحتنا

كلام قلته وانا لسه مفطرتش

القادم أحلي انتظروني ,,,,