السبت، مارس 12، 2011

قلبي كان فرحان


كان فاضل علي حلمي خطوه .

بس مش مكتوبلي أعيش

قولت إن الحلم قرب.

بس مش باين له عيش

حلمي عمري كله انتى

وانتى رحتي فاضلي إيه

كنتي قلبي ف يوم وقلبي

لما ضعتي عملي إيه

قلبي كان فرحان بحلمو إلي جيلو من بعيد..

.بس راح الحلم منو ..راح ومش راجع أكيد

طائر بلا جناح ... ( ألف عام )

آه م الهوي

بؤس الهوي

طعم الهوي



تعالي نبحر بلا أشرعه

فالأزرق ينادينا

نهمس بالأعين

وترمتي الشمس دافئة على وجنتيكي

ويشدو النورس اغانيه المبهجه

حين ثملت من شفتاك ارتميت حائرا

كيف العالم دونك ؟

بدونك

عالم سرمدي الحزن

بحر من الخوف والحيرة

وأنا تائها ببحر عيناكي

اجد في كل مرة انظر لكي شيئا جديدا

حقا انكي الحياه لي

حقا اني ولدت من جديد حين تلثمت شفاهك

حقا اني استرسلت الايام كألهة الاغريق متضجعا لكي

منتظرا

لا تتحدثي فشفاهي تقف عاجزه عن البعد عنكي

كنت قبلك اسمي الحزن

وعندك كفرت بالحزن

وبعدك لن أكون إلا ريشة تحملها الأحزان

الف عام قد مضت وانا لم أصل لشاطئ النجاة من عيناكي

الف عام قد مضت منذ أول موعد لشفانا

وها أنا عندك أنتهي

دعيها لا تنتهي

الف عام وانا اتنشق عبيرك

الف عام وانا اشعر بآهات الهوي داخلك

الف عام وانا اتنسم اجواء عطرك الى تخرج من داخلك كأنها نسائم ليالي صيف

حين نفذت داخلي أنفاسك كحدائق الورد و الكرز

لو كنت أبديا للإخترت أن تكون تلك اللمحة من السعاده

بنظر الينا طائر النورس صائحا لأصحابه

هُنا عشاق هذا الزمان

هُنا يولد الحب من جديد كأنه العنقاء

هنا ينبت الهوي

ويُحصد الهوي

قد مضت

الف عام أخري منذ انتهاء تلك اللحظه

لكنها البداية لعصر من الدفء والنور

بعد أزمنة غابرة من ثلوج الوحدة

حينما أبصرتك مرة أخري

بدأت

ألف عام اخري ,,,

كـحـلــوشـــيـــات 2


الشط تاه مني وضعت يا حكيم

وبحر الدنيا غواني وصبحت فيه سقيم

مراكب تعدي وتمد ايدها تنجيني , أرفض

محدش هينجيني غير رب بيا رحيم





الف سؤال كل يوم ف عقلي يلف

إنسان وطبعي كده ع الحقايق الف

عجبي عليا كل يوم اكتشف شئ

تاني يوم اكتشف اني معرفتش أخف







شيطان وعارف ان ربه واحد

عايش عمره يغوي وِلد أدم متوحدوش الواحد

ماهو أصله ف الكون وحده شارد

كل الملايكه سجدت لكن الكبر كان طبع الجاحد





خلف اوطان الكلام نظرت

ملائيتش حد ولا حد شوفت

كل الناس هربت والناس كلامها راح فين ؟

محدش رد غير صوتي لما من جوف الأمل رد





كلام كلام كلام وورق جرانين

كلكو تاعبين نفسكو وجاين متوعدين

مكانتش كلمه اتقالت في ساعة فلسفه

لا عمري هفهمها ولا عمركو هتكونو مجانين





وطني واجعني ومين يشيل العله

عايزين يبيعوك يا حلو للمله

كلمتين وخدني الامل قولتهم

ع التخشيبة صبحت بايت فله



 


بس انت الى غاوي تعب

يالى هويت الشوك لاجله راح تتعب

ما يصون الشوك الا الشوك والى يعيش يغلب

جرحك كتبته بايديك يوم ما زرعتها حب

مدرتشي يوم قطفتها صابعك اندب

ما عرفت دا كان حب ولا مطب لبست فيه زي المدب !!





يرحل ما يرحل منه للي خلق

حلمه لوحده نساه اصله انسرق

تحزن ما تحزن من ايه هيكون بكره

والحلم لو بالكلام كان في الورق ينحرق



يا بلدي بكل حرف احلف احبك

نيلك وزرعك شمسك وناسك أحبك

الناس دي مني ليا وعليا

وان رموني بالظلط برضه ححبك



أفـــواه

لماذا يقولون

لعل عندهم أفواه !

ماذا ؟

أفواه

ما تلك الأفواه ؟!

لا أعلم

لكن ما قصو لي من اخبارها سأحكيه اليك

بابان ضخمان

ليس لهم من كالابواب مصراعان

بابان عجيبان

ينطقان

يتكلمان

يبرران

يسبان

غريب هذا الحديث !

أريأيت هذان اللذان تقص اخبارهما ؟

بعيدا كبعد الشمس رأيتهما

لم أقترب

خفت من الثعبان

أى ثعبان !

أخبرني

هناك يرقد ثعبان منذ ألاف السنين

يخاف منه كل الناس

ويخاف هو من ذاته فهو يعلم حقيقته

ثعبان ؟! يخافه الناس ؟! ويخاف هو ذاته ؟!!

غريب أمر البشر

ليتهم مثلنا

بلا قيود

بلا أفواه 

الاثنين، ديسمبر 06، 2010

حبيبتي - رياض الهمشري


حبيبتى



الحب زى الشمس زى النهار والليل

زى اللقاء والرحيل مخلوق علشان يتحس
الحب مش كلمة بتترمى علشان حبة حنان

او حد بيحتمى فى التانى من الزمان


حبيبتى

انا عارف من البداية

عوزانى اكون نهارك
او جنة فى عز نارك
واخد من الحزن تارك
واوفيلك للنهاية

وان تاهت خطوتى او غابت يوم بعيد

تسيبنى فى غربتى مستنى عذاب جديد



حــبيبتى


الباقى من الحكاية

هتقولى حرام عليا

ضيعتك من ايديا

وامشى وحزن فى عنيا
ولا غير جرحك معايا

مبلاش نكدب بقى وتعالى نعيش حياة

ضيعنا سنين شقى فى كلام بنتوه معاه

حــــــــــــبيبتى


حبيبتي - رياض الهمشري

 
 
 

الخميس، سبتمبر 23، 2010

قـــد

قد تكون نفسك

قد لا تكون احدا

قد تكون قصرا مهجورا سكنته الاحلام يوما

وفارقت بينه وبين الدنيا الفتن

قد تكون نفسك يوما ما

ولكن هل تستطيع ان تجعل الكون نفسك ؟

قد تري العالم حبة رمال صغيره

وقد تراه جحيما تفني فيه الاحاسيس

قد تري نفسك تائها بعمر الدهر

عابرا للازمنه

رافضا لكل شئ

قابلا لكل شئ

ناقما على كل شئ

ولكن

هل انت انت ؟

قد ترمي نفسك من فوق التلال منتظرا يدا حانيه

وقد تغوص ببحار الكون بلا هواء

قد تكون عاجزا

قد تصبح يوما ذا شأن

قد تموت بلا ذكري واحده

قد يعيش الاخرون علي افكارك

وقد تفنى صريع الحياه

حرب شرسه تلك التي تعيش بها

حربا طحنت كل قوتك

واستنزفت اغلب طاقاتك في الحياه

مسكين !!

بصيصا عجيب من النور دائما هناك لا ينطفئ

ومضه تاتي بين الفينة والاخري

لكنها لا تزول

قد تعيش عالمك وحدك

وقد تعيش عالمهم وحدك

وقد لا تكون

قد يكتب عليك الشقاء من اجل شئ لا تعلمه

قد تلعن مولدك

وقد تهيم بالارض بحثا

قد تقتل افكارك واحلامك

وقد تبيد احزانك

قد تخجل من نفسك

وقد تعيش لاجل غرورك



صبرا جميلا يا انا فلا يزال هناك الاخرون

فيما يفكرون

كيف تكون حياتهم بدوني

وحياتي بدونهم

كيف يروني قبل و بعد مماتي



زاحفا الي الامل البعيد

ظمأن

منهك

ضعيف

لا حيلة لك



اجبته وانا لا ادري ان اجبته ام هي افكاري !!


قد نعيش ونموت ولكن الله باق أبد الدهر





لا تسئم من الوقوف على بابه ولو طردت

ولا تقطع الاعتذار ولو رددت

فان فتح الباب للمقبولين فادخل دخول المتطفلين ومد اليه يدك وقل له مسكين فتصدق عليه فإنما الصدقات للفقراء والمساكين



الحمد لله

كحلوش

أحمد عاكف
أو محمد عبد الرحمن صديقي المغترب في بلاد الله من أجل الحلم ربنا يعينه
كتب ف اسمي " كحلوش " كلام حلو جدا بشكره عليه اد ما يساع الكلام

كحلوش بقلم أحمد عاكف




اه يا ناس هبلة

من غير طبلة

انا مش طربوش !



ازاى عايزين العمر يفوت

وانا فيه مكبوت

نفسى بتتخانق مع نفسى

بكرة بيستهزأ من امسى

انا ميت صورة وماليش ولا اصل

جملة بتتكرر فصل بفصل

انا سيفى خشب ؟!

يا زمن بلا قلب ..

وطاحونة بتكسر عمدانى

انا فوق متعلق ف جنانى

انا زى الطير المتسوح

لو يعرف بيته كان رَوَّح ..

كلمة تجيبه وحلم يوديه ..

نفسه ف احساس لكن مجافيه

طعم الراحة

مالكم يا قلوب مش مرتاحة

حاسدينه على الموتة السهلة

ماهو شافها خلاص مش مستاهلة



عرف الفكرة

ولمح بكرة

وحلف مايمرعليه فى فاشوش ..

السبت، يوليو 03، 2010

كحلوشيات

دمعتين صاحبو بعض وقالو سوا آه



ردت عليهم الشفه قالت انا الى اقول آه


لو كل حد ساب نفسه يولول على ليلاه


تبئي الدنيا صومعه جواها الأمل تاه






خمس خمسات ف عينك يا حسود


يا اخي ابعد سيب الحب موجود


الحب دا طعم الحياه ولكل حب لون


يا بخته الي يحب يفرح يعيش مسعود






بلدي واجعني ومين يشيل العله


عايزين يبيعوك يا حلو للمله


كلمتين و خدني الامل قولتهم


تاني يوم صبحت ع التخشيبة بايت فله !!






الدنيا مركب ورق منها حلمي انسرق


خدوه مني معرفش ضاع دا ولا انحرق


فات يوم وجه التاني وادي التالت


أديني ناطر ويا قلبي الى انفلق






رحال وبين الهوي قلبي اتعل


طريق مشيته ف نصه جلدي انحل


صااحبت ناس قلوبها كما النجوم ف السما


لكن نجمه واحده ف الصبح هيه الأمل






أربعه


انا وإنتى والعيال أربعه


دنيا مربعه


هم غم خوف وألم


بس النهاية أكيد موش بالقلم






أنا ح اقول وانت كمان تقول و نهَََََق


يلا ماهي نائصه الدنيا مش كفايه المال فرًَق


كله يقول وكله يعيد ويزيد


لا كل الكلام عجبني و لا كل الى سمعه صدق






جنيه اتنين عشرين .. خمسين


طب اجيب بيهم ايه ميكفوش الجرانين


يعم اتنيل عاملي فيها سقراط


قولت العلم نور العقول مش كفايه م الكهربا محرومين ؟






وازاي أطير والكون بحالـه سـجـن .. انـا فـيـه مـســجـون


و فـيـن نـروح و لـمـيـن نـعـود و لاي شئ بكـره ح أكـــون


نـهـرب .. وفين نـلاقي ومين يـكـون ساعة اللقا موجـود


وإن يوم وصلنا للنهايه تفتكر .. حهرب ولا ح أكون مجنون

الأحد، يناير 17، 2010

هل أنت متدين ؟!


  • مَـا هُو التديّن ؟ وَ هَل هُناك أوجُه الإختِلاف بين التديّن كمَا يرَاه المُجتمَع و التديّن كمَا ينبغِى لهُ أن يكُون ؟
  • هَـل للمتديّنين أفكار و مَبادىء ثابتة ؟ أم أن التديّن ” وجهِات نظَر ” ؟
  • هَـل ينحصِر إطلاَق لفظ " المتديّن " علَى مَن يُقيمَ الشعائر الدّينية أم يمتَد ليشمل ذوى الأخلاَق الحميدَة ؟
  • كَيـف ينظر المُجتمَع للمتديّن ؟ و هَل هُو شخص ” بركَة ” لقيامُه بالشّعائِر الدّينية المُختلِفة ؟
  • هَـل يجب أن تكون الدّموع المنسابة و الحُزن الدّائِم هى الحَالة المزَاجيّة الرّسمية للمتديّن ؟ و هَل تكون - دائِماً - خوفاً مِن عذاب الآخِرَة أم أنّه إنعِكاس لحالة الإنكِسار و التقييد التى يشعُر بهَا الكثير مِن المتديّنين و لا يُكلفّون أنفسهم عناء تغييرها ؟
  • هَـل لكثرة الأوامر و النّواهِى التى يُؤمن المتديّن بوجُوب الإمتثال لهَا دور فِى " إستتقَال " البَعض لهَا بَعد فترَة ؟
  • هَـل يحسُن خُلق النّاس بعد تديّنهم ؟ أم أن النّمر لا يغيّر جلده ؟
  • شَريف لا يُصلّى , نصّاب يُصلّى . . أيّهما أكثر تديّناً ؟
  • هَـل تديُّن الأفراد حُبّ للإله و خوْف مِن إغضابه ؟ أم أنّه عِند البَعض للهرُوب مِن مواجهة تحدّيات الحياة بالتضرّع للإله ليزيل عنهم أعباءها بدلاً مِنهم ؟
  • لِـمَ انحصِر التديّن عِند الكثيرين فى إقامة الصّلاة وَ إطلاق اللّحية أو إرتداء الحجَاب و ” أذكار الصّباح و المَساء ” ؟ و هَل يَخضَع تديّن الفرد لمَا لا ترفُضه نفسُه ؟
  • مَـا هُو ” الإلتِزام ” ؟ و مَا الذى يجب أن يلتزم به الإنسَان حتى إذا خالَفه لا يستحِق كلمة ” مُلتزم ” ؟
  • هَـل كلمة ” مُلتزم ” فِى جميع المذاهِب الدّينيّة ؟ أم أنّها للتمييز بين أتبَاع أحد المذاهب عن نظائرهم ؟
  • هَـل تمسّك المتديّن بمبادىء و إتجاهات مذهبه عن إقتناع ؟ أم خوف من الإنهيار الناتج عن هَدم المُعتقدَات الرّاسخة فى الأنفس ؟
  • هَـل لدى المتديّن إستعداد للإيمان بالحقِيقة أيّا كانت ؟ أم أنه يكتفِى بما ترضَاه نفسُه مِن أفكارٍ يُحِب أن يقتنِع النّاس بها ؟
  • كَيـف يستقبِل المُتديّن أخبَاراً عَن إكتِشاف شجرَة مكتوبُ عليها إسم الله ؟ أو صوَر ملفّقة على هيئِة ” محمّد رسُول الله ” ؟
  • هَـل ينبغى أن يكون للمتديّن شيْخُ بعينِه كمصدَر دائم للمعلومات ؟ أم أنّه يقرأ للجمِيع و يختار ما يرتضيه ؟
  • هَـل ينبغى للمتديّن أن يفكّر فى فتاوى و توجّهاته شيخُه ؟ أم يسلّم له الأمر كلّه ؟
  • مَـن هُو ضعِيف الإيمَان , الذى لا يفكّر حتى لا يكفُر ؟ أم الذى يتساءَل حتى يجد إجابَة تُشبع رغبته فى الإقتناع ؟
  • هَـل ينظُر المتديّن للغَرب كَـ دِول لديهَا أسباب الخسف بالأرض كـ الأمم السّابقة ؟ أم كـ دِوَل أخذَت بالأسبَاب حتّى حكمَت العالَـم ؟
  • هَـل الإسلام ثورة على الظلم و العبودية و الإستبداد ؟ أم يفضّل المتديّن كونه مُجرّد طقوس دينيّة تطبّق كقُربَان لإثبات ولاء العبد للإله و طلب التمكِين منه دُون تدخّل الإنسَان ؟
  • هَـل الصّلوات الخمس و قراءة القرآن و الإكثار من ذِكر الله يُذهِب الفسَاد و يُصلِح الأحوَال و ينصُر الجيوش ؟ أم أن الله لا يُغيّـر مَـا بقـوْمٍ حتّـى يُغيّـروا مَـا بأنفُسِهِـم ؟
  • هَـل يُؤمِن البَعض أن السّياسَة لِعبَة قذرة لا يجُوز مشاركة المتديّنِين فِيها ؟ أم أن التديّن عِندَهُم ” شمّاعة ” للسّلبيّة أو الخوف من بطش الدّولة تجاه الكثيرين ممن يشاركون فى الحياة السياسيّة ؟
  • هَـل أنت مُتديّن ؟ أم أنّك تُرضِى الإلَه آمِلاً أن يُصلِح مَا أفسَدتُه أنت ؟؟؟

السبت، يناير 16، 2010

الف يس بوء

الف يس بوء ( الف فم يقولون نعم لا يتفوهون بها )
بكرهه ايوه بعترف اني بكرهه
لا كان ولا هيكون اني اكون عضو فيه















الاثنين، ديسمبر 07، 2009

زي ما انت عايز


عيني رأت عصفور ووياه ابـــــــــنه

بيحدفه في الريح و ياخده ف حضنه
نوبتين و تالت نوبه – عجبي عليهم –
كانوا سوا بيرفرفرا و يغنـــــــــوا
عجبي



أخ أخ يا ابهات وامهات جيل عويل , تحبو تشوفو لقطة من عائله متشدده ولا لقطه من عائله متفتحه ع الاتيكيت ؟
 
لقطة من عائله متشدده الاول
 
شاب عادي بيصلي ف صغره واخد شهادات حفظ قرآن اهله قافلين عليه جدته مش بتخليه يعدي الشارع لوحده لحد ما وصل لـ 3 اعدادي - وهو سن بالخارج بيكون الشاب او الشابه ابتدي يكون نظرته الفرده للمستقبل بدون تدخل وتئريبا بيكون زار اغلب مناطق بلده بحكم الخبرات وانه لازم يشوف ويتعلم - نرجع مرجوعنا شاب طالع مش فاهم اى شئ في تغيرات بتحصل ف جسمه وتفكيره مش فاهمه ومش لائي الى يفهمه طبيعي بيلجا لاصحابه يفهموه ويصيع , ساعات الشاب بيصيع ويرجع زي حالاتي وساعات بيصيع ومبيرجعش زي حالات كتيره وساعات بيفضل قافل على نفسه , ليا صديق خلص طب كان لسه جايب شعره على جمب وبيلبس بنطلون فوق السره , اتعرفت عليه لما كبر وكان نفسه يصيع - زي فيلم الناظر صيعني يا عاطف - كان نفسه يعمل اى شئ صايع لمجرد انه معملوش قبل كده حلو وحش مش فارقه المهم يعمله وعقله الباطن بيدل على انه عايز يتعلم الحياه بيتعلم ساعات بس متأخر أوي
 
لقطة من عائله فري عادي
 
بنت قاعده مع تلات بنات صاحباتها بادي كت وشورتات معاهم اخو البنت ف بيتهم وكام صاحب ليهم يادوب -  متسئلنيش ازاي الشاب بيقبل ان اخته تقعد كده اودام صحابه لان دا عادي ف فكرهم - الشاب قام يتكلم ف التليفون هوب اخته ولعت الجوينت ولفت بيه على صحباتها لفه روشة وقبل ما اخوها يجو كانو مخلصين  الجوب ( بتعطيش الجيم ) , وبيضحكو طبعا مش محتاج اقولكو ان البنت شغاله ف شركة مالتي ناشيونال واخوها هاريها طلبات , مش عايز اتكلم اكتر لانكو عارفين ايه الى بيحصل ف الحالتين .
 
الحالتين دول انا قابلتهم و تعايشت معاهم تئريبا والحالتين موجودين فعلا ,  الحمد لله تئريبا بعيد انا كل البعد عنهم بس بتفرج على حياتهم اكني ف سيما ارجع واقول فين اهلهم ؟
 
لكل اب وام وابن وابنة وجد وجدة , حفيد وحفيده , كلكو واحد , احنا مجتمع واحد يا ننجح كلنا سوا يا كل واحد يعيش زي ما هو عايز وميشتكيش لو احتلينا او انضربنا بالجزم يا تمسك ف ايد اخوك وتمسكي ف ايد اختك لو طفل او شاب بيعمل شئ غلط , او شايف انك غلط بس متكابر ف تربية اولادك او تربية نفسك  او انك مش عايز تعمل الصح لا يقولو عليك كذا او كذا , متخافش طول ما انت صح هتسقط الاقنعه المزيفه الى الناس الى عاملين فيها فاهمين .. غير فكرك واعرف الدنيا عايزه ايه ودينك عايز ايه وأدميتك عايزه ايه واحترامك لنفسكو ولبيتكو ولوطنكو ولعروبتكو عايزين من دا كله ايه جيل فاسد ولا جيل يقدر يحقق , المانيا بعد الحرب كانت رماد شبه صحرا اتفرج عليها بعد خمسين سنه بئت ايه , احنا طالعين لسه من حرب برهض بئالها 36 سنه يمكن اتاخرنا شوية بس لسه عجلة التطوير شغاله وبتلف , متقفش مكانك عشان مكانك ميسيبكش ويجري منك لغيرك , علم نفسك وعلم عيالك , علمي اهلك وربيهم وافتكرو دايما  , يموت المعلم ولا يتعلم .
Powered By Blogger
 
Tree Hearts Blogger Template